زہریلی گیس کا خطرہ، آج تعلیمی ادارہ بند رہے گا – ARYNews.tv

کراچی: شہرقائد کے علاقے کیماڑی سے پھیلنے والی زہریلی گیس کے باعث انتظامیہ نے ڈاؤمیڈیکل کالج کو آج بند رکھنے کا اعلان کیا ہے۔

اے آر وائی نیوز کے مطابق کیماڑی میں مبینہ زہریلی فضا سے اموات کا سلسلہ تاحال جاری ہے جس کے پیش نظر ڈاؤ میڈیکل انتظامیہ نے آج کالج بند رکھنے کا اعلان کیا۔

انتظامیہ کا کہنا ہے کہ اسٹاف اور طلبہ کی صحت کے پیش نظر کالج کو بند رکھنے کا فیصلہ کیا گیا ہے۔

خیال رہے کہ کیماڑی میں زہریلی گیس سے دو روز کے دوران اب تک 14 افراد جان کی بازی ہار چکے ہیں جب کہ 300 سے زائد افراد متاثر ہوئے جو شہر کے مختلف اسپتالوں میں زیر علاج ہیں۔

پراسرار گیس، علی زیدی کا سویا بین ذرات کی رپورٹ ماننے سے انکار

دوسری جانب وفاقی وزیر برائے بحری امورعلی زیدی نے زہریلی گیس سے اموات کی وجہ سویا بین ذرات کو قرار دینے سے متعلق جامعہ کراچی کی ابتدائی تحقیقاتی رپورٹ کو ماننے سے انکار کردیا ہے۔

وفاقی وزیر برائے بحری امورعلی زیدی نے پروگرام ’الیونتھ آور‘ میں گفتگو کرتے ہوئے کہا کہ سویا بین ذرات کی رپورٹ کو قطعی طور پر تسلیم نہیں کرتا، کون سی گیس اور ذرات تھے آج اس کی رپورٹ آجائے گی۔

fb-share-icon0

Tweet
20

Comments

comments




خبر کا حوالہ

اس بارے میں admin

یہ بھی دیکھیں

کیا پاکستان ٹیم میں محمد عامر کی جگہ بنتی تھی؟

کراچی —  بھارتی بلے باز ویراٹ کوہلی کے مطابق انہوں نے اپنے کریئر میں محمد …

Leave a Reply

Your email address will not be published. Required fields are marked *