کل صبح 9 بجے وزیراعظم نریندرمودی جاری کرینگے ایک ویڈیو پیغام– News18 Urdu

پی ایم مودی نے اپنے ٹویٹر اکاؤنٹ پرجانکاری دی ہے کہ کہ وہ 3 اپریل کو صبح 9 بجے ملک کے شہریوں کے لئے ایک ویڈیو پیغام جاری کریں گے۔

کورونا لاک ڈاؤن : کل صبح 9 بجے وزیراعظم نریندرمودی جاری کرینگے ایک ویڈیو پیغام

شہریت ترمیمی قانون سے متعلق وزیراعظم مودی نےعوام سے امن کی اپیل کی۔

نئی دہلی :وزیر اعظم نریندر مودی نے جمعرات کے روز تمام ریاستوں کے وزرائے اعلیٰ سے ویڈیو کانفرنسنگ کے ذریعے ملک میں کورونا وائرس اور لاک ڈاؤن کی وجہ سے پیدا ہونے والی صورتحال کا جائزہ لیا۔ اس کے بعد ، پی ایم مودی نے اپنے ٹویٹر اکاؤنٹ پرجانکاری دی ہے کہ کہ وہ 3 اپریل کو صبح 9 بجے ملک کے شہریوں کے لئے ایک ویڈیو پیغام جاری کریں گے۔ ہم آپ کو بتادیں کہ اس سےپہلے ، ملک کے عوام سے خطاب کے دوران ، وزیراعظم نریندرمودی نے ملک میں 21 دن کے لاک ڈاؤن کا اعلان کیا تھا۔

یاد رہے کہ وزیر اعظم نریندر مودی نے جمعرات کے روز کورونا وائرس کی وباء اور اس سے متعلق اقدامات پر تبادلہ خیال کیا اور واضح کیا کہ پورے ملک کا مشترکہ ہدف کم سے کم جانی نقصان کو یقینی بنانا ہے۔

وزیر اعظم نے وزرائے اعلیٰ سے کہا کہ اگلے چند ہفتوں میں کورونا وائرس سے متعلق تحقیقات ، متاثرہ افراد کا پتہ لگانے ، ان کو الگ تھلگ رکھنے پر توجہ پر زور دیاہے۔وزیر اعظم نے ویڈیو کانفرنسنگ کے ذریعے ریاستوں کے وزرائے اعلیٰ سے کہا کہ ریاستوں اور مرکز کو لاک ڈاؤن ختم ہونے پر لوگوں کے گھر سے نکلنے کو مد نظر رکھتے ہوئے حکمت عملی مرتب کی جانی چاہیے۔

کورونا وائرس کے خلاف جنگ میں مربوط کوششوں کی ضرورت پر روشنی ڈالتے ہوئے وزیر اعظم نے کہا ، ‘ضلعی سطح پر ڈیزاسٹر مینجمنٹ گروپس تشکیل دیئے جائیں۔ اس کے ساتھ ہی ضلعی مانیٹرنگ آفیسرز کو بھی مقرر کرنے کی ضرورت ہے۔ انہوں نے کہا کہ کورونا سے متعلق ڈیٹا صرف تسلیم شدہ لیبارٹریوں سے لیا جانا چاہئے۔ اس سے ضلع ، ریاست اور مرکز کی سطح پر اعداد و شمار میں یکسانیت آئے گی۔




Source link

اس بارے میں admin

یہ بھی دیکھیں

کیا حکومتی اقدامات سے بھارتی کشمیر میں علیحدگی پسند جماعتیں جمود کا شکار ہو گئی ہیں؟ 

سرینگر —  بھارت کے زیرِ انتظام کشمیر میں حال ہی میں ہونے والے ضلعی ترقیاتی …

Leave a Reply

Your email address will not be published. Required fields are marked *