مکہ المکرمہ میں حرم شریف میں طواف کی اجازت دے دی گئی ہے۔ حرم شریف میں مطاف کے حصے میں طواف کا سلسلہ دوبارہ شروع کرنے کی اجازت دے دی گئی ہے۔تاہم کم لوگ ہی طواف کر سکیں گے۔ طواف کے دوران خانہ کعبہ کے گرد حفاظتی ڈھانچہ کھڑا کیا گیا ہے اور زائرین کو کعبہ کے قریب جانے کی اجازت نہیں ہوگی۔اس سے قبل حفاظتی اقدامات کے تحت تمام مساجد بشمول مسجد الحرام اور مسجد نبویؐ کے اندرونی اور بیرونی حصے میں پنجگانہ نماز اور نماز جمعہ کی ادائیگی پر مکمل پابندی عائد کی جاچکی ہے۔سعودی عرب میں کورونا وائرس سے متاثرہ مریضوں کی تعداد چودہ سو تیرپن ہے جب کہ وائرس سے ہلاکتوں کی تعداد آٹھ ہے۔