کراچی کو ماضی میں ہیضہ اور طاعون نے بھی پریشان کیا -Daily Jang-Latest News-Health

کراچی کو ماضی میں ہیضہ اور طاعون نے بھی پریشان کیا

کراچی میں کورونا کو قابو کرنے کے لیے کاروبار زندگی کا پہیہ روک دیا گیا ہے، تاریخ پر نظر ڈالیں تو ماضی میں ہیضہ اور طاعون بھی شہر کو بری طرح سے اپنی لپیٹ میں لے چکے ہیں۔

1843 میں کراچی پر یونین جیک لہرایا تو سامراج کے خلاف پہلی مزاحمت آب و ہوا نے کی اور برطانوی فوجی ہیضے کا شکار ہونے لگے، جس نے دیکھتے ہی دیکھتے وبا کا روپ اختیار کرلیا۔

1846 میں شدت اتنی بڑھی کہ 7ہزار زندگیاں لقمہ اجل بنیں، قائداعظم محمد علی جناح کی والدہ اور پہلی اہلیہ کا انتقال بھی انہی وبائی ایام میں ہوا۔

برطانوی فوجیوں کے علاج معالجے کے لیے جو ڈسپنسری بنائی گئی اسے بعد میں عوام کے لیے وقف کردیا گیا، اسی لیے اسے آج سول اسپتال کہا جاتا ہے۔

مورخین نے لکھا کہ برٹش راج کے دوران ملیریا، چیچک اور جلدی بیماریاں عام ہونے لگیں تو 1879 میں لازمی ٹیکہ ایکٹ نافذ کردیا گیا۔

1896 میں کراچی میں طاعون نے زور مارا، متاثرین کی تعداد ہزاروں میں پہنچ گئی جنہیں لیاری، رنچھوڑ لائن، رام باغ اور سول لائن میں قرنطینہ کیمپس تک محدود کردیا گیا۔ بالآخر 1900 میں اس پر قابو پالیا گیا۔

ان دنوں بھی شہر میں کورونا پر قابو پانے کے لئے سندھ وبائی امراض بل نافذ ہے، جبکہ لاک ڈاؤن کرکے اس وبا کی پیش قدمی کو روکا جارہا ہے۔ 




Source link

اس بارے میں admin

یہ بھی دیکھیں

موسم سرما کے پھلوں کے کیا فوائد ہیں؟

کینو، مالٹے، فروٹر، انار، انگور، سیب، ناشپاتی، امرود اور کیلے یہ تمام وہ پھل ہیں …

Leave a Reply

Your email address will not be published. Required fields are marked *