ایشیاء کپ کرکٹ ٹورنامنٹ کا انعقاد خطرے میں پڑگیا -Daily Jang-Latest News-Sports

ایشیاء کپ کرکٹ کا انعقاد خدشات کا شکار

ایشیاء کپ کرکٹ ٹورنامنٹ کا انعقاد خدشات کا شکار ہے۔ ایشین کرکٹ کونسل (اے سی سی) نے تاحال ملتوی شدہ اجلاس کے بارے میں اراکین کو آگاہ نہیں کیا۔

ایشیاء کپ کے وینیو کا فیصلہ کرنے کے لیے اے سی سی کا اہم اجلاس مارچ کے اوائل میں دبئی میں شیڈول تھا لیکن کورونا وائرس کے باعث اجلاس کو ملتوی کر دیا گیا اور فیصلہ کیا گیا کہ آئی سی سی کے اجلاس کی سائیڈ لائنز پر اے سی سی کا بھی اجلاس ہوگا جس میں اہم فیصلے کر لیے جائیں گے۔

آئی سی سی تو اپنے فیصلوں کے لیے ٹیلی کانفرنس کر رہی ہے لیکن اے سی سی کے اجلاس کا تاحال کوئی فیصلہ نہیں ہو سکا۔ اس حوالے سے اے سی سی نے بھی مکمل خاموشی اختیار کی ہوئی ہے۔ نہ اے سی سی نے اپنے اراکین سے اس حوالے سے رابطہ کیا ہے اور نہ ہی میڈیا کے پوچھنے کے باوجود انہیں بتایا ہے۔

ایشیاء کپ کی میزبانی پاکستان نے کرنا ہے لیکن بھارت کے پاکستان آکر نہ کھیلنے کی وجہ سے وینیو کا فیصلہ ہونا باقی ہے، جس کے لیے دبئی اور ڈھاکا کو امیدوار قرار دیا جا رہا ہے۔

ذرائع کا کہنا ہے کہ ایشیاء کپ کے انعقاد کو موجودہ صورتحال میں خطرہ کا ہے۔

کھیلوں کی خبریں سے مزید



اس بارے میں admin

یہ بھی دیکھیں

ون ڈے رینکنگ، بابر ٹاپ 3 بلے بازوں میں شامل

انٹرنیشنل کرکٹ کونسل (آئی سی سی) کی جاری کردہ نئی ون ڈے رینکنگ میں بلے …

Leave a Reply

Your email address will not be published. Required fields are marked *