مشکل میں پھنسی کنیکا کپور ، معاملہ درج ، تین کلو میٹر کے علاقہ کو کرایا گیا خالی– News18 Urdu

لندن سے لوٹنے کے بعد کنیکا کپور نے مسلسل لوگوں سے رابطہ قائم رکھا تھا اور انہوں نے اس دوران کچھ پارٹیوں میں بھی شرکت کی تھی ۔

COVID-19 : مشکل میں پھنسی بالی ووڈ سنگر کنیکا کپور ، کیس درج ، تین کلو میٹر کے علاقہ کو کرایا گیا خالی

کنیکا کپور ۔ تصویر : انسٹاگرام ۔

کورونا وائرس کا نتیجہ مثبت آنے کے بعد اب بالی ووڈ سنگر کنیکا کپور کی مشکلات بڑھتی نظر آرہی ہیں ۔ کنیکا کپور کے پروٹوکول توڑنے کے معاملہ میں اب لکھنو پولیس نے ان کے خلاف معاملہ درج کرلیا ہے ۔ بتایا جارہا ہے کہ لکھنو کے ضلع مجسٹریٹ کے حکم کے بعد پولیس نے ان کے خلاف معاملہ درج کیا ہے ۔ بتایا جارہا ہے کہ اس میں ان کی گرفتاری بھی ہوسکتی ہے ۔

غور طلب ہے کہ لندن سے لوٹنے کے بعد کنیکا نے مسلسل لوگوں سے رابطہ قائم رکھا تھا اور انہوں نے اس دوران کچھ پارٹیوں میں بھی شرکت کی تھی ۔ ان پارٹیوں میں ملک کی کئی معزز شخصیات بھی موجود تھیں ، جس میں مرکزی وزیر اور ریاستی وزیر کے ساتھ ہی راجستھان کی سابق وزیر اعلی وسندھرا راجے اور ان کے بیٹے بھی موجود تھے ۔

ادھر یہ معاملہ سامنے آنے کے بعد ضلع افسر ابھیشیک پرکاش نے حکم دیا ہے کہ کینکا کپور کے گھر سے تین کلومیٹر کے علاقہ کو خالی کروا دیا جائے ، جس کے پیش نظر وکاس نگر ، خرم نگر اور علی گنج کے کچھ علاقوں کو خالی کروایا جارہا ہے ۔

قابل ذکر ہے کہ اس سے پہلے وزیر جے پرتاپ سنگھ نے کہا تھا کہ کنیکا کپور نے بیرون ملک سے آنے کے بعد پروٹوکول توڑا ہے ۔ وہ کسی کو مطلع کئے بغیر کئی مقامات پر گئیں ۔ ایسے میں ان کے خلاف ضروری کارروائی کی جائے گی ۔


Source link

اس بارے میں admin

یہ بھی دیکھیں

کیا حکومتی اقدامات سے بھارتی کشمیر میں علیحدگی پسند جماعتیں جمود کا شکار ہو گئی ہیں؟ 

سرینگر —  بھارت کے زیرِ انتظام کشمیر میں حال ہی میں ہونے والے ضلعی ترقیاتی …

Leave a Reply

Your email address will not be published. Required fields are marked *