کروناوائرس میں مبتلا ایک ہی خاندان کے 4افراد ہلاک

واشنگٹن : ہلاکت خیز وبا نے امریکا میں اپنے پنجے گاڑ دئیے ہیں جہاں ابتک سیکڑوں لوگ ہلاک ہوچکے ہیں لیکن گزشتہ روز دل دہلا دینے والا انکشاف ہوا جب ایک خاتون نے بتایا کہ کرونا میں مبتلا ہوکر اس کےچار بہن بھائی ہلاک ہوگئے۔

غیر ملکی خبر رساں ادارے کی رپورٹ کے مطابق چین سے ساری دنیا میں پھیلنے والے ہلاکت خیز وائرس کرونا نے وبا کی صورت اختیار کرلی ہے، جہاں دنیا بھر میں اس وائرس نے ہزاروں افراد کی جانیں لیں وہیں امریکا میں بھی درجنوں افراد اس وبا سے ہلاک ہوچکے ہیں۔

گزشتہ روز ایک خاتون نے امریکی میڈیا کو انٹرویو دیتے ہوئے بتایا کہ ایک ہفتے کے دوران ہمارے گھر کے 4 افراد اس مہلک ترین وبا میں مبتلا ہوکر ہلاک ہوچکے ہیں جس میں میری ماں، میری بڑی بہن اور دو بڑے بھائی شامل ہیں۔

الزبتھ فوسکو نے بتایا کہ میری دو بہنیں اور ایک بڑا بھائی اب بھی اسپتال میں داخل ہیں جن میں سے دو افراد کی حالت انتہائی تشویش ناک ہے جبکہ ایک فرد خطرے سے باہر ہے۔

غیر ملکی خبر رساں ادارے کی رپورٹ کے مطابق الزتھ فوسکو کی ماں گریس بدھ کے روز مری تھی اور اپنی موت کے وقت اس بات سے ناواقف تھی کہ اس کے دو بچے گریس سے پہلے ہی ہلاک ہوچکے ہیں۔

غیر ملکی خبر رساں ادارے کی رپورٹ کے مطابق امریکا میں ہلاکت خیز کرونا وائرس 271 افراد کی جان لے چکا ہے جبکہ 14 ہزار 366 افراد ابتک متاثر ہوچکے ہیں۔

fb-share-icon0

Tweet
20

Comments

comments




خبر کا حوالہ

اس بارے میں admin

یہ بھی دیکھیں

کیا پاکستان ٹیم میں محمد عامر کی جگہ بنتی تھی؟

کراچی —  بھارتی بلے باز ویراٹ کوہلی کے مطابق انہوں نے اپنے کریئر میں محمد …

Leave a Reply

Your email address will not be published. Required fields are marked *