عدالت نے کہا کہ اگر آپ عمر عبداللہ کو رہا کر رہے ہیں تو انہیں جلد رہا کیا جائے یا پھر ہم حراست کے خلاف ان کی بہن کی عرضی پر سماعت کریں گے۔
عمر عبداللہ: فائل فوٹو
نئی دہلی۔ جموں وکشمیر (Jammu Kashmir) کے سابق وزیر اعلیٰ عمر عبداللہ (Omar Abdullah) کی رہائی کو لے کر سپریم کورٹ میں بدھ کو سماعت ہوئی۔ اس دوران عدالت نے مرکز سے اگلے ہفتے تک اسے مطلع کرنے کے لئے کہا کہ کیا وہ جموں وکشمیر کے سابق وزیر اعلیٰ عمر عبداللہ کو حراست سے رہا کرا رہا ہے۔ عدالت نے کہا کہ اگر آپ عمر عبداللہ کو رہا کر رہے ہیں تو انہیں جلد رہا کیا جائے یا پھر ہم حراست کے خلاف ان کی بہن کی عرضی پر سماعت کریں گے۔
Supreme Court asks Jammu & Kashmir admn to take instruction on whether it is planning to release former Jammu and Kashmir CM Omar Abdullah, who has been detained under Public Safety Act. The Court asks the counsel appearing for J&K administration to take instruction and inform it pic.twitter.com/2FACyR11KW
— ANI (@ANI) March 18, 2020
بتا دیں کہ عبداللہ کی بہن سارا عبداللہ پائلٹ نے جموں وکشمیر پبلک سیفٹی ایکٹ کے تحت عبداللہ کی حراست کو چیلنج کیا ہے۔ اس سے پہلے سارا نے پیر کے روز سپریم کورٹ میں جموں وکشمیر انتظامیہ کے اس دعوے کو مسترد کیا تھا جس میں کہا گیا تھا کہ سابق وزیر اعلیٰ عمر عبداللہ سے عوامی نظم ونسق کو خطرہ ہو گا۔عمر عبداللہ پانچ اگست، 2019 سے سی آر پی سی کی دفعہ 107 کے تحت حراست میں ہیں۔ اس قانون کے تحت، عمر عبداللہ کی چھ ماہ کی احتیاطاً حراستی مدت پانچ فروری 2020 کو ختم ہونے والی تھی، لیکن حکومت نے انہیں دوبارہ پی ایس اے کے تحت حراست میں لے لیا ۔
