راہل گاندھی کا نریندر مودی پر طنز– News18 Urdu

وزیر اعظم مودی نے آج دیر رات یہ اعلان کر کے سب کو حیران کردیا کہ وہ آئندہ اتوار کو ٹوئٹر، فیس بک، انسٹا گرام اور یو ٹیوب جیسے سوشل میڈیا چھوڑنے پر غور کر رہے ہیں۔

سوشل میڈیا نہیں، نفرت پھیلانا چھوڑیں: راہل گاندھی کا نریندر مودی پر طنز

کانگریس لیڈر راہل گاندھی کی فائل فوٹو

نئی دہلی۔ کانگریس کے سابق صدر راہل گاندھی نے وزیراعظم نریندر مودی کے سوشل میڈیا چھوڑنے کے فیصلے پر طنز کرتے ہوئے کہا کہ انہیں (مودی کو) سوشل میڈیا کے بجائے نفرت پھیلانے کا کام چھوڑنا چاہئے۔ راہل گاندھی نےنریندر مودی کا نام لئے بغیر ٹوئیٹ کیا کہ ’’سوشل میڈیا چھوڑنے کے بجائے نفرت پھیلانا چھوڑیں‘‘۔

واضح رہے کہ وزیر اعظم مودی نے آج دیر رات یہ اعلان کر کے سب کو حیران کردیا کہ وہ آئندہ اتوار کو ٹوئٹر، فیس بک، انسٹا گرام اور یو ٹیوب جیسے سوشل میڈیا چھوڑنے پر غور کر رہے ہیں۔ کانگریس میڈیا سیل کے سربراہ رندیپ سنگھ سرجے والا نے کہا کہ مودی کو ٹرول کرنے اور دوسروں کو گالی دینے والی اپنی فوج کو بھی مشورہ دینا چاہئے۔

غور طلب ہے کہ فیس بک پر وزیر اعظم مودی کے پیج پر 44,723,734 لائکس ہیں۔ جبکہ ٹوئٹر پر وزیر اعظم مودی کو 53.3 ملین لوگ فالو کرتے ہیں۔ خود وزیر اعظم اپنے ٹوئٹر اکاؤنٹ سے 2,373 لوگوں کو فالو کرتے ہیں۔ انسٹاگرام پر وزیر اعظم مودی کو 35.2 ملین لوگ فالو کرتے ہیں اور یوٹیوب کی بات کی جائے تو یہاں وزیر اعظم مودی کے 4.51 ملین سبسکرائبرز ہیں۔




Source link

اس بارے میں admin

یہ بھی دیکھیں

کیا حکومتی اقدامات سے بھارتی کشمیر میں علیحدگی پسند جماعتیں جمود کا شکار ہو گئی ہیں؟ 

سرینگر —  بھارت کے زیرِ انتظام کشمیر میں حال ہی میں ہونے والے ضلعی ترقیاتی …

Leave a Reply

Your email address will not be published. Required fields are marked *