زمینی حقائق اور دستاویزات میں تضاد -Daily Jang-Latest News-Pakistan

کراچی کے علاقے کیماڑی میں جان لیوا آلودہ ہوا کا سبب قرار دیا گیا بحری جہاز ہرکولیس کراچی بندرگاہ سے روانہ کیا گیا یا نہیں اس بارے میں زمینی حقائق اور دستیاب دستاویزات میں انتہائی تضاد ہے۔

کراچی پورٹ کی ویب سائٹ پر شام چار بجے تک ہرکیولس کی برتھ نمبر 10 پر موجودگی کی اپڈیٹ موجود تھی۔ مگر اچانک ساڑھے چار بجے یہ اپڈیٹ ڈیپارچر میں تبدیل ہوگئی اور حیرت انگیز طور پر ڈیپارچر کا ٹائم گزشتہ رات پونے 10 بجے کا دیا ہوا ہے۔

اس ابہام پر کے پی ٹی ترجمان شارق امین فاروقی سے ساڑھے 4 سہہ پہر بجے فون پر معلومات لی گئی تو ان کا کہنا تھا کہ بحری جہاز ہرکیولیس کی کراچی بندرگاہ سے روانگی کی خبر پرانی ہوچکی ہے۔

ان سے پوچھا تھا کہ پورٹ قاسم کی ویب سائیٹ پر جہاز کی آمد کی اپ ڈیٹ نہیں ہے تو ترجمان نے کہا کہ آپ پورٹ قاسم کے ترجمان سے تصدیق کریں۔

انٹرنیشنل ریڈار پر جہاز ہرکولیس کی گزشتہ 24 گھنٹے کے دوران کراچی بندرگاہ سے روانگی کی کوئی اپڈیٹ نہیں ہے۔

دوسری طرف پورٹ قاسم کی بندرگاہ پر بھی جہاز کی آمد یا متوقع آمد کے کھانے میں ہرکولیس کا اندراج نہیں۔

ذرائع کے مطابق مبینہ طور پر جہاز ہرکولیس کراچی بندرگاہ سے روانہ ہی نہیں کیا گیا بلکہ پی ٹی کی جانب سے مبینہ طور پر ویب سائٹ پر غلط اپڈیٹ کی گئی۔

قومی خبریں سے مزید




خبر کا حوالہ

اس بارے میں admin

یہ بھی دیکھیں

کیا پاکستان ٹیم میں محمد عامر کی جگہ بنتی تھی؟

کراچی —  بھارتی بلے باز ویراٹ کوہلی کے مطابق انہوں نے اپنے کریئر میں محمد …

Leave a Reply

Your email address will not be published. Required fields are marked *