کرونا وائرس یورپ پہنچ گیا، خوشبوؤں کے شہر میں‌ ایک شخص ہلاک – ARYNews.tv

پیرس: فرانس کے دارالحکومت میں کرونا وائرس سے متاثرہ شخص ہلاک ہوگیا جبکہ وہاں اب تک رپورٹ ہونے والے کیسز کی تعداد 11 تک پہنچ گئی۔

غیرملکی خبررساں ادارے کی رپورٹ کے مطابق کرونا وائرس نے ایشیا کے بعد اب یورپی ملک کو بھی متاثر کرنا شروع کردیا، فرانس کے دارالحکومت میں متاثرہ مریض کی ہلاکت ہوئی جس کی تصدیق محکمہ صحت نے بھی کردی ہے۔

فرانس کی وزارت صحت کے مطابق جاں بحق ہونے والے شخص کی عمر 80 سال تھی اور وہ حال ہی میں چین سے سیاحت کے لیے فرانس پہنچا تھا۔

مزید پڑھیں: رکن اسمبلی میں کرونا وائرس کی تشخیص

وزارتِ صحت کے مطابق متاثرہ شخص میں وائرس کی تصدیق 25 جنوری کو ہوئی، مریض کو سانس لینے میں شدید دشواری کا سامنا تھا جبکہ وہ تیز بخار میں مبتلا تھا۔ میڈیا رپورٹ کے مطابق فرانس میں اب تک کرونا وائرس کے 11 کیسز رپورٹ ہوچکے ہیں، تمام مریضوں کو انتہائی نگہداشت وارڈ میں رکھا گیا ہے۔

واضح رہے کہ چین کے شہر ووہان سے پھیلنے والے مہلک وائرس کی وجہ سے اب تک ہلاکتوں کی تعداد 1500 سے تجاوز کرچکی جبکہ 80 ہزار سے زائد کیسز بھی رپورٹ ہوئے۔

چین کے علاوہ فلپائن، جاپان اور ہانگ کانگ میں کرونا وائرس سے متاثرہ مریضوں کی ہلاکت بھی سامنے آچکی ہے۔

fb-share-icon0

Tweet
20

Comments

comments




خبر کا حوالہ

اس بارے میں admin

یہ بھی دیکھیں

کیا پاکستان ٹیم میں محمد عامر کی جگہ بنتی تھی؟

کراچی —  بھارتی بلے باز ویراٹ کوہلی کے مطابق انہوں نے اپنے کریئر میں محمد …

Leave a Reply

Your email address will not be published. Required fields are marked *