ہوشیار! خطرناک طوفان آج تباہی مچائے گا – ARYNews.tv

لیڈز: برطانیہ میں آنے والے موسمی طوفان کو یارکشائر کے علاقوں کے لیے جان کا خطرہ قرار دے دیا گیا۔

اے آر وائی نیوز کے مطابق سمندری طوفان جان لیوا ہوسکتا ہے، محکمہ موسمیات نے یلو وارننگ کو امبر میں تبدیل کر دیا، شہریوں کو محتاط رہنے کی ہدایت کردی گئی۔

طوفان کیارا برطانوی وقت کے مطابق آج رات گیارہ بجے آنے کی پیش گوئی کی گئی ہے۔ سات سال بعد خراب ترین موسم کا خطرہ ہے، جبکہ سمندری طوفان کے دوران تیز ہوائیں اور شدید بارشوں کا بھی امکان ہے۔

محکمہ موسمیات کا کہنا ہے کہ طوفان سے ٹرین، جہاز اور پبلک ٹرانسپورٹ بری طرح متاثر ہوسکتے ہیں۔

’جان لیوا‘ طوفان کا خطرہ، محکمہ موسمیات نے خبردار کردیا

خیال رہے کہ حالیہ بیان میں محکمہ موسمیات کا کہنا تھا کہ ’آئندہ چند روز میں سمندری طوفان کے ساتھ 80 میٹر فی گھنٹہ کی رفتاری سے تیز ہوائیں چلیں گی جبکہ اس دوران شدید بارشوں کا بھی امکان ہے، مذکورہ طوفان جان لیوا ثابت ہوسکتا ہے جس سے نظام زندگی تباہ ہونے کا بھی اندیشہ ہے‘۔

میٹ آفس نے گزشتہ دنوں کہا تھا کہ کیارا طوفان اتوار کے روز صبح 9 بجے سے شام 9 بجے تک درمیان ساحلی علاقوں سے ٹکراسکتا ہے، ممکنہ طوفان کی شدت کے باعث گاڑیاں اور عمارتیں بھی متاثر ہوسکتی ہیں۔ متعلقہ اداروں کا کہنا تھا کہ حالات کو دیکھتے ہوئے اطراف کی سڑکیں اور پل بند کردیے جائیں گے۔

fb-share-icon0

Tweet
20

Comments

comments




خبر کا حوالہ

اس بارے میں admin

یہ بھی دیکھیں

کیا پاکستان ٹیم میں محمد عامر کی جگہ بنتی تھی؟

کراچی —  بھارتی بلے باز ویراٹ کوہلی کے مطابق انہوں نے اپنے کریئر میں محمد …

Leave a Reply

Your email address will not be published. Required fields are marked *