سابق کپتان سرفراز احمد کوچ بن گئے – ARYNews.tv

کراچی: قومی کرکٹ ٹیم کے سابق کپتان سرفراز احمد اپنے بیٹے کے کوچ بن گئے۔

تفصیلات کے مطابق سابق کپتان سرفراز احمد اپنے بیٹے کے کوچ بن گئے، سرفراز احمد کے بیٹے کی ایک اور ویڈیو سوشل میڈیا پر وائرل ہوگئی۔

ویڈیو میں سرفراز احمد کی بولنگ پر عبداللہ نے دلکش انداز میں شارٹ مارتے ہوئے دکھائی دے رہے ہیں۔

ویڈیو میں دیکھا جاسکتا ہے کہ سرفراز احمد کے صاحبزادے عبداللہ بائیں ہاتھ سے بیٹنگ کررہے ہیں اور دلکش شاٹ کھیل رہے ہیں جس سے یہ کہا جاسکتا ہے کہ وہ مستقبل میں قومی ٹیم کی نمائندگی کے مضبوط امیدوار ہوں گے۔

واضح رہے کہ گزشتہ سال اپریل میں سرفراز احمد کی بیٹے عبداللہ کے ساتھ کرکٹ کھیلتے ہوئے ویڈیو وائرل ہوئی تھی، ویڈیو میں سرفراز اپنے بیٹے کے ساتھ گھر میں کرکٹ کھیل رہے تھے۔

مزید پڑھیں: سرفراز احمد کی بیٹے کے ساتھ کرکٹ کھیلنے کی ویڈیو وائرل

ٹویٹر پر مداحوں کی جانب سے ویڈیو کو سراہا جارہا ہے، مداحوں کے سرفراز کے بیٹے کے لیے نیک تمناؤں کا اظہار کیا۔

یاد رہے کہ گزشتہ سال فروری میں بھی دورہ جنوبی افریقا کے دوران سرفراز احمد کی بیٹے کے ساتھ ویڈیو وائرل ہوئی تھی جس میں سرفراز نیلسن منڈیلا اسکوائر پر بیٹے عبداللہ اور مقامی بچوں کے ہمراہ ریس لگاتے ہوئے نظر آرہے تھے۔

Comments

comments




خبر کا حوالہ

اس بارے میں admin

یہ بھی دیکھیں

کیا پاکستان ٹیم میں محمد عامر کی جگہ بنتی تھی؟

کراچی —  بھارتی بلے باز ویراٹ کوہلی کے مطابق انہوں نے اپنے کریئر میں محمد …

Leave a Reply

Your email address will not be published. Required fields are marked *